Bago pa man sila tuluyang sumikat sa showbiz, mayroong mga artistang pinagdaan muna ang hirap ng buhay. Ilan sa kanila ay nakaranas muna ng mga napakahirap na trabaho bago pa sila tuluyang madiskubre at sumikat.
At ngayon sila ay mag kanya-kanya ng malalaking pangalan sa industrya. Alamin kung sino-sino sila at ang mga kanilang dating trabaho.
1. Fernando Poe Jr.
Isang napakalaking pangalan sa industrya ng showbiz si Fernando Poe Jr. dahil sa husay niya sa kanyang mga action movies kaya naman siya ang tinaguriang "Da King." Ngunit bago pa siya nakagawa ng kanyang sariling pelikula ay naging stuntman muna siya.
2. Dolphy
Bago pa makilala bilang "Comedy King" si Dolphy, noong bata siya ay nagtitinda lamang siya ng mani at butong pakwan sa mga sinehan. Siya rin ay nagtrabaho bilang shoe shine boy at taga lagay ng mga butones sa isang factory ng pantalon.
3. Willie Revillame
Isa sa mga pinakamayamang artista sa industriya ng showbiz si Willie Revillame, ngunit hindi mo aakalain na matindi pala ang kanyang pinagdaanan noong bata pa siya. Dahil sa hirap ng buhay nila noon, kinailangan niyang magtinda ng dyaryo, maging barker at tagalinis ng mga jeep.
4. Manny Pacquiao
Bago pa naging isang propesyonal na boksingero at "People's Champ" si Manny ay naranasan muna kung gaano kahirap ang buhay noong bata pa siya. Nakapagtrabaho siya bilang sampaguita vendor, jeepney barker, at construction worker.
5. Richard Gomez
Aakalain niyo ba na bago pa madiskubre si Richard Gomez sa showbiz ay nagtrabaho muna siya bilang isang service crew sa isang fastfood chain noon.
6. Diether Ocampo
Isang bartender sa isang bar na malapit sa ABS-CBN si Diether noon bago siya madiskubre sa showbiz.
7. Coco Martin
Naging isang OFW sa Canada si Coco Martin noon bago pa siya nagsimulang mag-artista, kung saan naranasan niya ang trabaho bilang janitor at waiter.
8. Jericho Rosales
Isa rin si Jericho sa mga artista na nakaranas ng matinding hirap ng buhay noong bata pa lamang siya. Naranasan niyang tumulong magtinda ng isda sa palengke, maging service crew sa isang pizza parlor, at driver.
Comments
Post a Comment