2-Year-Old na Batang Lalaki, Walang Tigil ang Pag-iyak Dahil Iniwan Ito sa Loob ng Kotse ng Kanyang Magulang

Viral ngayon ang isang video na pinost sa isang social media account ng isang netizen na si Jasper Pascual ang pagiyak ng isang batang lalaki habang ito ay nakakulong sa loob ng kotse ng walang kasama.

Makikita sa video na ito ang umiiyak na bata na tila humihingi ng saklolo na nasa loob ng isang sasakyan. Ang sasakyan ay hindi nakasindi ang makina ngunit ang bata ay nasa loob at walang tigil na umiiyak. 

Ayon sa netizen na si Jasper, nakapark ang kanyang sasakyan sa isang parking lot sa Pasig at pasakay na sana ito sa kanyang kotse nang makarinig siya ng malakas na hiyaw at iyak ng bata na tila humihingi ng saklolo.

Hinanap ni Jasper kung saan nanggaling ang bata na umiiyak at gulat na gulat ito nang makita niya nasa loob ng isang sasakyan ang bata na pawis na pawis at tila humihingi ng tulong. Hindi nakasindi ang makina ng sasakyan at may kaunti lamang na awang sa bintana. 

Sa kaniyang tansiya ay nasa dalawang taong gulang lamang ang bata. Kaya naman humingi ito ng saklolo sa isang guwardiya para hanapin ang magulang ng bata. Ang guwardiya ay agad naman na rumesponde at nahanap ang magulang sa isang establishment habang sila ay nagiinuman. 

Naunang dumating ang ina ng bata at makalipas naman ng 10 minuto sumunod naman ang ama ng bata. 

Ayon sa netizen na kumuha ng video, ipinaubaya nalang niya sa gwardiya na pagsabihan ang magulang ng bata para makaiwas sa gulo.

Ang video na ito ay umani ng napakaraming reaction at komento. Marami ang nagalit sa mga magulang ng bata. May nag komento rin na isumbong sa DSWD upang mabigyan ng kaparusahan.

Marami nang pangyayaring naganap na rin katulad nito na naiiwan ang mga bata sa loob ng sasakyan na nagdudulot ng pagkasoffucate ng bata sa loob ng sasakyan na pwedeng maging peligro ng buhay ng bata dahil kulob at walang hangin ang malalanghap. Maging aware tayo sa mga ganitong pangyayari!