Tatlong Iba't ibang Paraan kung Paano Lutuin ang Masustansyang Asparagus!

Sa nakaraang artikulo ay naihayag natin ang mga makukuhang benepisyo sa pag-kain ng asparagus at kung gaano ito kaganda sa ating kalusugan. Ngayon, tatalakayin natin kung ano ang mga iba't ibang lutuin na maaaring gawin rito at kung ano ang mga proseso na kailangan niyong malaman.

Narito kung ano ang mga iba't ibang luto ng Asparagus:

1. Sauteed Asparagus with fried garlic top

Sangkap:

• 1 buwig ng Asparagus • 3 kutsarang mantikilya o margarine • 2 butil ng bawang na nahati-hati • 3 butil ng fried garlic

Paano Lutuin:

• Una, Ilagay at tunawin ang mantikilya o margarine sa kawali

• Pangalawa, Ilagay ang bawang at asparagus, takpan at Lutuin ng 3 minuto

• Pangatlo, Kapag ang asparagus ay nagkulay bright green, hinaan ang iyong apoy at             lutuin muli ng 3-5 minuto

• Pang-apat, Kapag gusto mo na ang lambot o lutong nito maaari mo nang ilipat sa plato o lalagyanan na gagamitin

• Pang-lima, Kapag nailipat na sa plato, ilagay ang fried garlic sa ibabaw nang sauteed asparagus at maaari na itong kainin

2. Asparagus rolls with ham and cheese

Sangkap:

• 10 pcs. Lumpia wrapper or egg wrapper • 1 buwig ng asparagus, na napakuluan ng 1-2 minuto. • 1 ham at hati-hatiin. • 1 cheese at hati-hatiin ng pahaba • Asin at Paminta • 3 kutsarang mantika

Paano Lutuin:

• Una, Ilagay sa plato ang Lumpia wrapper o egg wrapper, ipatong ang ham, asparagus, at cheese

• Pangalawa, lagyan ng asin, paminta at iroll

• Pangatlo, Ulit-ulitin hanggang maibalot lahat o mairoll ang lahat ng sangkap na inihanda

• Pang-apat, Iprito ang ginawang asparagus rolls with ham and cheese ng 3-5 minuto hanggang magkulay brown ang wrapper , magmelt ang cheese at maluto ang ham

• Pang-lima, kapag naluto na maaari na itong ihapag at kainin.

3. Asparagus and Egg with cheese

Sangkap:

• 10pcs. asparagus • 1-2 kutsarang mantika o mantikilya • Asin • 4 itlog • 1 cheese, slice • Paminta

Paano Lutuin:

• Una, Painitin ang kawali at lagyan ng mantika o mantikilya

• Pangalawa, Ilagay ang asparagus at asin, Lutuin ng 2 minuto

• Pangatlo, Kapag malutong na ang asparagus o malambot. Ilagay ang itlog sa itaas ng asparagus at idagdag ang cheese

• Pang-apat, Hinaan ang apoy at Lutuin ng 3-5 minuto. Kapag luto na ang itlog at nagmelt na ang cheese ilagay ito sa plato

• Pang-lima, kapag nailagay na sa plato budburin ito ng paminta ayon sa dami na gusto. Maaari na itong ihapag at kainin.