Isang napaka-espesyal na moment kapag niyaya ka nang magpakasal ng iyong kasintahan. Isa itong desisyon na pang-habambuhay kasama ang iyong taong pinakamamahal. Ito ang moment na kung saan papasukin ninyo ang ikalawang yugto ng inyong pagsasama at gagawa ng inyong sariling pamilya.
Kung ang iyong kasintahan ay pinaparamdam na ang mga senyales na ito, maging handa ka na at baka kahit anong oras ay itanong na niya ang matamis na katanungang, "Will You Marry Me?"
Narito ang mga senyales na malapit ka nang aluking magpakasal!
1. Madalas na pag-usapan ang inyong future
Kapag ang isang lalaki ay open sa pag-uusap tungkol sa inyong kinabukasan, malamang ikaw na ang gusto niyang makasama habang buhay. Kaya kung madalas niyang banggitin ito sa iyo, maaaring inaalam din niya kung handa ka na bang pakasalan siya.
2. Palagi ka niyang isinasama sa mga okasyon ng kanilang pamilya
Kapag ipinakilala ka niya sa kanyang pamilya, ibig sabihin ay espesyal ka para sa kanya. At gusto niya na makilala mo ang mga taong malapit sa kanya. Ngunit isang senyales na malapit ka na niyang aluking magpakasal kapag palagi ka niyang isinasama sa okasyon ng kanilang pamilya.
3. Pinag-uusapan niyo na kung ilan ang gusto niyong maging anak
Ang pagbuo ng sariling pamilya ay isang napakabigat na desisyon dahil hindi lang ang mga sarili ninyo ang inyong iisipin pati na rin ang buhay na ibibigay ninyo sa inyong magiging mga anak. Kung sabik siyang pinag-uusapan ang isyung ito, maaaring handa na siya na maging ama at yayain ka ng maging asawa niya!
4. Paggamit ng salitang "tayo" kaysa "ako"
Sa sakramento ng kasal, walang salitang "ako" lang . Ang dalawang taong nagmamahalan ay pinagbubuklod upang maging isa. Kung ang pagtukoy niya sa inyong dalawa ay iisa at hindi indibidwal, malamang handa na siyang makasama ka habang buhay.
5. May pinag-iipunan siya
Kapag may pinag-ipunan at nagtitipid siya, maaaring pinaghahandaan na niya ang magiging marriage proposal niya sayo.
6. Interesado siyang malaman ang sukat ng iyong daliri
Upang mabili niya ang perfect engagement ring para sa kanyang marriage proposal sayo, interesado siyang malamn ang sukat ng iyong daliri. Aalamin niya sukat ng iyong alahas upang maging basehan sa pagpili ng singsing.
7. Nagpaplano ng bakasyon na kayong dalawa lamang
Kapag nagplano siya ng isang bakasyon sa isang lugar o sa malayong lugar para sa inyong dalawa na hindi naman niya normal na ginagawa. Baka doon niya planong mag-propose sa yo.
Ilan lamang ito sa mga maaaring senyales na gusto ka nang pakasalan ng iyong kasintahan. Ngunit hindi sa lahat ng oras ay applicable ito. Minsan ang pagpaparamdam niya ng mga senyales na ito ay patunay lang na talagang mahal ka niya at espesyal ka sa kanya.
Kaya huwag mag-apura at darating din ang tamang oras kung kailan na kayo parehong handa.
Comments
Post a Comment