Limang Natural Na Solusyon Para Mataggal Ang Mabahong Amoy Ng Kili-kili At Katawan

Walang sino man ang gugustuhing magkaroon ng body odor o amoy sa kilikili. Ang pagpapawis ng kilikili ay natural lamang, subalit kung ito ay may maasim ng amoy, umaalingasaw at masangsang, hindi na ito dapat ipasawalang bahala.

Sa katunayan wala naman amoy ang pawis ng mga tao ngunit dahil sa dulot ng bakteria na kumakapit sa pawis ay nagdudulot ito ng amoy sa ating katawan at kung mapapabayaan ay maaaring magdulot ito ng hindi kaaya-ayang amoy. 

Ang ilan sa mga dahilan ng pagkakaroon ng amoy ng kili-kili o body odor at dahil sa or hygiene at pagiging pabaya ng isang tao sa kanyang katawan.

Narito naman ang 5 Home Remedies Para Makatulong sa Mabahong Kili-kili: 

1. Kalamansi at Lemon

Ang katas nito ay isa sa mabisang pantanggal ng pangangamoy ng kilikili o body odor. Ang katas ng kalamansi at lemon ay nag-tataglay ng acidic property na nakatutulong sa pag-iwas at pantanggal ng bakteria na lumilikha ng pangangamoy ng kilikili.

Paano ito gawin:

• Hiwain ang Kalamansi at Lemon

• Alisin ang mga buto nito

• Ipahitid at ikuskos ang kalamansi at lemon sa iyong kilikili

• Hayaan itong matuyo ng 8-10 minuto

• Kapag natuyo na ito ay maaari ka nang maligo

• Gawin ito araw-araw hanggang sa hindi mawala ang pangangamoy ng kilikili o body odor

2. Tawas

Ang tawas ay isa rin sa mga paraan na makatutulong sa iyong problema sa pagkakaroon ng pangangamoy ng kilikili. Ito ay isang natural na deodorant, ligtas gamitin, epektibo at magaan sa bulsa. Ang tawas ay isang epektibong paraan para mapigilan ang pagdami ng bakteria sa pawis.

Paano ito gamitin:

• Ilagay ang durog na tawas sa iyong kilikili kapag natapos maligo ngunit tiyakin na tuyo ang iyong kilikili bago ilagay ito
• Gamitin ito araw-araw hanggang mawala ang pangangamoy ng kilikili at maari din itong gamitin para maiwasan ang pagkakaroon ng body odor.

• Kapag natunaw na ito ay maari na itong panligo sa iyong katawan.makatutulong ito sa pagbawas ng pagpapawis at magtatanggal ng pangangamoy

• Maaari din itong ihalo sa iyong pagligo, ilagay lamang ang durog natawas o ang buong tawas at hayaang matunaw.


3. Apple Cider Vinegar

Isa rin ito sa mga mabisang gamitin para mapuksa ang pangangamoy ng kilikili dahil ito ay tumutulong upang maalis ang pangangamoy na dulot ng bakteria at binabalanse nito ang pH level ng ating balat.

Paano ito gamitin:

• Kumuha ng bulak at isawsaw sa apple cider vinegar

• Ipahid ito sa kilikili ng 3-5 minuto hanggang matuyo

• Gawin ito bago maligo sa umaga at bago matulog

• Gawin ito araw-araw hanggang mawala ang body odor

4. Baking soda at Cornstarch Powder

Makatutulong ito sa pagpapatuyo ng kilikili at pagpapawala ng amoy nito. Mapupuksa nito ang mga bacteria.

Paano ito gawin:

• Paghaluin ang baking soda o cornstarch at katas ng kalamsi o lemon
• Ipahid sa kilikili at patuyuin ng 5 minuto

• Gawin ito bago maligo at gawin ito araw-araw hanggang mawala ang body odor

5. Rubbing Alcohol

Makatutulong din ito sa pagsugpo sa body odor dahil ang pagpahid nito sa kilikili ay sinasarhan nito ang mga pores sa balat at mababawasan ang pagpapawis. Matatanggal din nito ang bakteria at ang pagpahid nito ay nagiiwan ng mabangong amoy sa kilikili.

Paano ito gamitin:

• Kumuha ng bulak at basain sa rubbing alcohol

• Ipahid sa kilikili at hayaang matuyo

• Gawin ito araw-araw