Skip to main content

Limang Paraan Para Madaling Makahiram ng Pera sa Kamag-Anak ng Hindi Nagkakaroon ng Sama ng Loob




Sa mundong ito ay walang permanente ang lahat ay nagbabago kasabay na nito ang pagbabago ng mga presyo ng bilihin. Kaya naman hindi maiwasan na may mga panahon na nagigipit tayo kahit na may mga trabaho. Lalo na kung maraming mga babayarin o gastusin na para sa pag-aaral ng mga anak tulad ng pagkain, baon, kuryente, tubig at iba pang mga pangaraw-araw na pangangailangan. Hindi rin maiaalis na dumarating ang panahon na may nagkakasakit. At sa dinami-dami ng mga pangangailangan ay hindi nagiging sapat ang perang nasasahod kaya umaabot sa puntong kailangang lumapit at humiram ng pera sa ibang tao.

Sa tuwing umaabot sa puntong kulang na kulang ang budget ay kadalasang nahihiyang lumapit sa mga kamag-anak at kaibigan. Ngunit hindi naman masamang lumapit at makahiram lalo na kung may pangangailangan at para naman ito sa iyong pamilya. 




Kaya naman narito ang limang tips upang makatulong sa iyo kung paano madaling makahiram ng pera sa iyong pamilya, kamag-anak at kaibigan ng hindi nagkakaroon ng samaan ng loob. Tandaan lamang na kung ikaw ay manghihiram ng pera ay gagamitin mo ito sa tamang pangangailangan at hindi sa mga kagustuhan tulad ng mga luho sa iyong sarili.

Tips kung paano madali makautang:


1. Ipaliwanag kung saan mo gagamitin ang pera na hihiramin


Bago ka tumawag sa iyong mauutangan ay isipin mo muna ang mga tanong at sagot sa iyong sarili kung bakit ka mangungutang at kung para saan ito o kung magkano ang iyong hihiramin. Kung handa na ang iyong sarili ay kausapin mo ang taong malalapitan. Ipaliwanag ng mabuti sa kaniya kung bakit ka nangangailangan na lumapit sa kaniya at kung saan mo gugugulin ang iyong mahihiram na pera o bakit ganitong kalaki ang hinihiram mo. Iwasang magsinungaling upang magtiwala sa iyo ang taong nilapitan.


2. Linawin sa iyong kausap kung kailan magbabayad

Mahirap magpahiram ng pera lalo na kung walang kasiguraduhan. Kaya kung gusto mong makahiram sa isang tao ay magsabi ng petsa kung kailan mo ito mababayaran. Makipag-usap ng maayos at kung nagkasundo ay dapat tuparin mo ang sinabing takdang petsa. Kung sakali man na hindi mo ito mabayaran dahil minsan hindi naaalis na nagkakaroon ng komplikadong sitwasyon, puntahan ang pinagkautangan, kausapin ito at sabihin ang iyong paliwanag kung bakit hindi mo natupad ang pangako upang makaulit muli at hindi masira sa kaniya




3. Mag-alok ng ibang bagay o tulong kung sakaling hindi mo pa ito mabayaran


May mga pagkakataong gusto mo man matupad ang pinagkasunduan ngunit marami ang dumarating na pagsubok. Ngunit huwag iisipin na kaya naman nilang hintayin hanggang sa makabayad ka dahil may iba't iba rin tayong mga suliranin sa buhay.

Maghanda ng mga bagay o serbisyo na maiaalok mo kung sakali hindi mo pa ito mabayaran. Kung may alahas ka na maaaring isangla o iba pang kagamitan ay maaari mo itong ialok habang hindi ka pa nakakabayad. Maaari rin na sabihin na magdagdag na lamang ng interes sa inutang. Madalas rin na sa sitwasyon na ito ay tinatanggihan ito ng mga kamag-anak at kaibigan ngunit mas maganda ng may inalok at kausapin kaysa sa pagtaguan. Pwede mo rin offeran ng serbisyo o tulong mo sakanya.


4. Magsulat ng kasunduan para klaro ang lahat


Kung ikaw ay manghihiram ng malaking halaga o magpapahiram ay mas mainam ng magkaroon ng kasulatan. Hindi naman kinakailangan na gumastos pa ng abogado upang maisagawa ito. Ang importante lamang nakalagay sa kasulatan kung sino ang umutang at nagpautang. Ilagay din kung magkano, petsa kung kailan ibabalik at multa kung sakaling hindi maibalik sa petsang pinagusapan. Bukod rito maganda rin na sa tuwing nagbabayad ay may pirmahan kung kailan tinaggap at sino. Mahirap na baka magpatong patong ang utang o kaya naman makalimutan.


5. Pag-usapan na kayo lamang dapat dalawa ang nakakaalam


Kahit sino naman ay hindi gugustuhing maraming nakakaalam na may pagkakautang ka kay ganito. At kung ikaw naman ang nagpahiram mas maganda na ang sikreto lalo na sa mga kamag-anak dahil maaaring may mga mainggit at magalit dahil maaaring sila ay hindi napahiram o kaya pang maiwasan na ang maraming usapin na makakagulo sa inyo.

Tandaan: Lumapit lamang sa iyong pamilya, kamag-anak o kaibigan kung talagang kinakailangan lamang na manghiram. Huwag gagamitin ito upang makahiram sa iba't ibang kamag-anakan at kaibigan dahil kapag nalaman nila maaaring magalit sila sayo at hindi ka na makakaulit pa. Itatak rin sa iyong isipan na kapag umutang marunong magbayad. Hindi yung utang kalimutan.


Sakali man hindi mapahiraman ng nilapitan:

Kung sakali man mangyari na ang iyong nilapitan na paghihiraman ay hindi ka nabigyan huwag magdamdam. Maaaring siya rin ay dumaranas ng pangangailan o sapat lamang ang kaniyang panggastos sa araw-araw. Kaya naman irespeto at huwag magalit sa kanilang desisyon.

Comments

  1. Ako kapag may utang sakin kapag hindi na makabayad binibigay ko na para hindi masakit sa ulo kaiisip.

    ReplyDelete

Post a Comment

Popular posts from this blog

8 Filipino Celebrities Na Nagmamay-ari Ng Mga Luxury Cars!

Bukod sa pag-iinvest ng lupa, bahay, business, etc., karamihan sa ating mga Filipino celebrities ang nag-iinvest din sa mga sasakyan. Lalo na ang mga car enthusiasts na mahihilig sa mga sasakyan. 
At dahil na rin sa kanilang hardwork at success sa showbiz, ilan sa mga celebrities na ito ang nagmamay-ari ng mga napakaganda at mamahaling luxury cars na ito. Narito at alamin kung sino-sino sila!
1. Anne Curtis - Audi A3 and Audi Q5
Dahil siya ang official ambassadress ng Audi brand dito sa Pilipinas, si Anne Curtis ay nagmamay-ari rin ng dalawang Audi cars, Audi Q5 at Audi A3. Ang mga luxury cars na ito ay mayroong starting price na higit P2M pataas. Ang kanyang Audi A3 ay tinagurian din "safest car" in the world. 2. Georgina Wilson - Jaguar F-TYPE Coupe'
Bukod sa naging ambassadress ng Jaguar Phils. si Georgina Wilson ay binigyan pa siya ng libreng  Jaguar luxury car. Ayon sa isang interview niya, ang sabi niya, "I have a free Jaguar, that's pretty cool. I like tha…

Huwag Munang Itatapon Ang Pinaghugasan Ng Bigas Dahil May Nakakamanghang Gamit Pa Ito

Bago tayo magsaing ng kanin ay tinitiyak nating malinis ito kaya natin ito hinuhugasan. Makakatulong kasi ito upang matanggal ang mga dumi, bukbok, at iba pang contaminants na maaaring makaapekto sa sinaing. 
Ngunit aminado ang karamihan na matapos hugasan ang bigas ay atin lamang itinatapon ang tubig. Pero alam niyo ba na ang pinaghugasan ng bigas ay maaari pang paggamitan sa ibang paraan at napakarami pa nitong benepisyo? Narito at alamin ninyo.
1. Pwedeng gamiting panlinis ng mukha/ facial cleanser
Ang tubig na pinaghugasan ng bigas ay nagtataglay ng bitamina at mineral na nakakatulong upang gawing malambot, makinis, at radiant looking ang balat. Gumamit lamang ng cotton pad at basain ito gamit ang pinaghugasan ng bigas. Imassage ito sa iyong mukha at iwanan upang matuyo. 
2. Maibsan ang pangangati ng balat/ eczema
Ang starch content ng pinaghugasang bigas ay nakakatulong upang maibsan ang pangangati ng balat o eczema. Magsawsaw lamang ng malinis na tela sa pinaghugasang bigas at id…

Iwasan ang Pagkain ng mga Ganitong Klase ng Isda Dahil Posible Pala Itong Magdulot ng Masama sa Ating Kalusugan!

Kapag sawa na sa karne ng baboy, manok at baka, gustong kinakain ng mga tao ay ang isda. Mas gusto rin ng iba ang isda dahil ito raw ay mas masustansya kaysa sa ibang karne. Ngunit may mga ilang isda na dapat palang iwasang kainin sapagkat maaaring magdulot ito ng ikasisira at ikasasama ng kalusugan ng tao. 
Narito ang ilang isda na karaniwan nating nabibibli na hindi pala ganun kaganda sa ating kalusugan:
1. Tuna
Ang Tuna ay kadalasang binibili ng mga tao sa merkado. Ito ay mayroong mercury na nakakasama sa kalusugan lalo na ang pagkain ng “blackfin” at “Bluefin” na Tuna. Ang ilang tuna rin ay nanggagaling sa mga palaisdaan na mayroong antibiotics at mga hormones na pampalaki. 


2. Tilapia
Maaaring tumaas ang presyon ng tao dahil mayroon itong mga taba kaya maaari itong magdulot ng panganib sa kalusugan. Sa iba naman, maaaring magkaroon ng allergy kapag kinain ito. 3. Palos o Igat 

Maaari itong magsanhi ng stroke o sak!t sa puso dahil mayroon itong LDL o masamang kolesterol na maaaring maka…