Skip to main content

Ito ang Limang Dahilan Kung Bakit Madalas na Kagatin ng Lamok ang Iyong Anak




Sa tuwing kapanahunan ng tag-ulan madalas tayong magkasakit nariyan ang pag-ubo, sipon at lagnat. Talamak rin ang dengue dahil sa panahon na ito mas mabagsik kung umatake ang mga pesteng lamok. Kaya naman nakakabahala ito para sa atin at mga anak Lalo na't tumataas ang mga bilang ng nagkakasakit ngayon kumpara sa nakaraang taon. 


Marami rin sa mga taong ito na hindi nabigyan ng agarang gamutan at humantong sa pagkawala ng buhay. Upang maiwasan ito, alamin ang mga dahilan kung bakit nga ba madalas kagatin ng lamok ang inyong mga anak kumpara sa ibang mga bata.

Narito ang limang rason kung bakit madalas siyang kagatin ng mga lamok:

1. Madalas pagpapawis dulot ng patakbo-takbo o paglalaro ng iyong anak

Ang sobrang paggawa at paglabas ng mga ilang uri ng kemikal sa ating katawan ay siyang dahilan kung bakit lapitin tayo sa mga lamok. Tulad na lamang ng lactic acid, uric acid at ammonia na lumalabas sa ating katawan kasama ng pawis. Kung ang iyong anak ay madalas na maglaro o gumalaw galaw kung saan madalas pagpawisan, ang pawis na ito ay siyang umaakit sa insekto sa kanilang paligid.

Matatalas ang mga pakiramdam ng mga lamok lalo na sa hapon. Kaya naman ang mga batang madalas maglaro sa kainitan ng araw hanggang sa dapit hapon na labis ang pagpapawis dahil sa pag-iinit ng kanilang katawan at sikat ng araw ay siyang dahilan kung bakit gustong gusto silang lapitan ng mga lamok. Bakit? Dahil ang lactic acid na lumalabas kasama ng kanilang pawis ay siyang mas nagpapaakit sa mga lamok. Isa rin kadahilanan ang pagkakaroon ng mainit na temperatura sa katawan gaya na lamang ng buntis kaya karaniwan silang lapitan ng mga lamok. 




2. Malakas ang paghinga ng iyong anak 

Ayon sa nag-aaral ukol sa mga insekto, sinasabing isa sa mga paraan kung paano nahahanap ng lamok ang kanilang mabibiktima ay sa pamamagitan ng kanilang paghinga. Dahil kahit na nasa layong limapung metro naamoy pa rin nila ang carbon dioxide na galing sa ating hininga. Ang mga taong matatanda ay mas malaki ang naibubuga nilang carbon dioxide sa tuwing humihinga kaya naman ito ang dahilan kung bakit mas kinakagat ng mga lamok ang matatanda. Ngunit kung ang mga bata ay labis ang pawis, mainit na temperatura sa katawan at madalas na hingal dahil sa pagod sa paglalaro, maaaring nagiging dahilan  ito kung bakit mas lapitin sila sa pagkagat ng lamok. 


3. May amoy ang paa ng iyong anak 

Ayon sa isang pag-aaral noong 2011 napag-alaman na ang mga lamok ay naaakit sa kakaibang amoy na dulot ng iba't ibang bakterya sa ating balat. Kabilang ang paa sa parte ng ating katawan na kung saan pinamumugaran ito ng napakaraming bakterya. Kaya naman isa ito sa maaaring rason kung bakit madalas tayong kinakagat ng lamok sa ating paa. Idagdag pa ang pinaghalong amoy ng mabahong medyas at carbon dioxide na kung saan mas nakakaakit ito sa mga lamok na nagdadala ng dengue. 



4. Mahilig mag suot ng mga madilim na kulay 

Inirerekomenda ng Department of Health na mag suot ng mga mahahabang mangas, pantalon, jogging pants o panjama na may magaan na kulay lamang upang maiwasan ang atensyon ng mga lamok. Dahil pangunahing ginagamit ng mga lamok ang kaniyang paningin sa paghanap ng taong mabibiktima. Madali nitong makita ang mga taong nakasuot ng madidilim na kulay. Kaya iwasan ang mga pagsusuot ng damit sa inyong anak na may matitingkad na kulay tulay ng itim, navy blue at pula. 


5. Maaaring maging dahilan ang blood type

Ang mga babaeng lamok ang madalas mangagat dahil sila ay kumukuha ng protina na kailangan upang makagawa ng kanilang itlog. 

Ayon na rin sa isang pag-aaral noong 2004 doble ang tiyansa na puntahan ng mga lamok ang taong may Blood Tyoe O kumpara sa Blood Type A. Samantalang ang mga nasa type B ay nasa pagitan ng dalawang nabanggit. Ngunit kahit ano man ang uri ng blood type ay nangangailan pa rin ng pa-iingat dahil ito ang mas makatutulong sa atin upang maiwasan ang dengue.

Ugaliin na maglinis ng kapaligiran at magpahid ng panlaban sa mga lamok. Kung sakali man na may naramdaman sa iyong sarili matapos makagat ng lamok ay mainam na komunsulta kaagad sa doktor.

Comments

Popular posts from this blog

Dahilan Ng Pagkakaroon Ng Bukol Sa Likod Ng Tenga At Bakit Dapat Mo Itong Ikabahala!

Nakakapangamba ang tubuan ng bukol sa katawan lalo na't kung nadudulot ito ng pananakit dahil maaari itong maging maagang senyales ng c****r. Ngunit hindi naman lahat ng tumutubong bukol sa katawan ay c*****rous at ilan sa mga ito ay hindi naman nagdudulot ng seryosong komplikasyon. Ngunit ang pagkakaroon ng bukol sa likod ng iyong tenga ay dapat mong ikabahala at huwag pababayaan dahil napakarami palang pwedeng maging dahilan kung bakit ka mayroon nito. At ilan sa mga dahilan na ito ay mapanganib sa kalusugan. Narito at alamin ninyo! 1. Sebaceous cy sts Kung ang bukol sa likod ng iyong tenga ay hindi sumasakit, maaaring dahil ito sa pagkabara ng mga oil producing sweat glands. Ang mga ito ay non-c*****rous. 2. Lymphadenopathy Ito ay isang medical condition na kung saan ang mga lymph nodes mo ay nagkakaroon ng abnormal na paglaki at pagdami. Ang mga lymph nodes ay matatagpuan sa leeg, ulo, kili-kili, at singit. Kaya kung may virus o bacteria na

Narito Kung Paano Alisin ang Tinik sa Lalamunan

Ang mga Pilipino madalas kumain ng isda dahil marami tayong iba't ibang klaseng isda na nabibili sa palengke. Maraming klaseng isda ang maaari nating ihain sa mesa. At kahit anong luto pa iyan mapa prito, inihaw, steamed, sinigang, paksiw, etc. ay gaganahan ka talaga sa sarap. Kaya lang mayroong mga isda na maraming tinik kagaya na lang Bangus.  Sa mga taong madalas kumain ng isda, hindi natin maiiwasan na minsan tayo ay matinik. Kahit maliit lamang na tinik ang nasa ating lalamunan, hindi tayo mapakali sapagkat nagdudulot ito ng hindi komportableng pakiramdam at mayroong pananak!t sa bawat paglunok. Kaya naman narito ang mga makakatulong na paraan na maaari mong gawin kapag ikaw at natinik sa iyong lalamunan: 1. Kumain ng saging pero huwag ito nguyain. Kumain ng maliit na piraso lamang ng saging at saka ito lunukin agad para mapasama ang tinik na nakatusok sa lalamunan.  2. Kumuha ng malaking piraso ng tinapay at isawsaw ito sa

Tips Para Tanggalin Ang Pumasok Na Langgam/Insekto Sa Loob Ng Tenga

Naranasan niyo na bang mapasukan ng insekto o ng langgam sa tenga? Napakasakit talaga nito at hindi ka mapapakali. Bukod sa nakakarinig ka ng parang may naglalakad o pumuputok na tunog sa loob ng inyong tenga. Minsan ay maaari ka pang makagat sa loob o mawalan ng pandinig. Kaya narito ang mga tips kung paano tanggalin ang nakakairitang langgam o insekto na pumasok sa iyong tenga: 1. I-wiggle o galaw galawin ang tenga Subukang galaw-galawin o i-wiggle ang apektadong tenga. Sa paraang ito, maaaring mahulog ang insekto papalabas. 2. Patakan ng langis o baby oil Ang langis ay makakapagpigil sa paggalaw ng insekto o langgam papaloob sa tenga. 3. Patakan ng kaunting tubig Gamit ang dropper o bulb syringe, patakan ng kaunting tubig ang loob ng tenga upang malunod ang insekto. Galawin ang ulo at tenga para lumabas ang tubig. 4. Pahiran ng butil ng asukal ang labas ng tenga Ang matamis na amoy ng asukal ay pang-aakit sa langgam upang lumabas. 5. I-