Skip to main content

Ito ang Ilang Indikasyon na Mayroong Namumuong Blood Clot sa Iyong Katawan




Ang pamumuo ng dugo sa loob ng mga ugat ay ang natural na paraan ng ating katawan upang ayusin ang ano mang nasira sa daluyan ng dugo. Nangyayari rin ito kapag nasugatan ang balat sa kahit anong parte ng katawan upang mapigilan nito ang labis na pagdurugo. Karaniwan ay kapag natapos na nito ang kailangang gawin ay mawawala lang rin ito ngunit may mga pagkakataon na nananatili ito sa parteng iyon at ito ay magsasanhi ng mga problema sa katawan.
Maraming pwedeng maging sanhi ng pagkakaroon nito at ilan lamang sa mga ito ay:


  • Iba’t-ibang s(a)kit sa puso
  • K(a)nser
  • Labis na katabaan
  • Pagdadalang tao
  • Nabaling buto o sugat
  • Matagal na pagkakapirmi sa isang posisyon (halimbawa ay ang matagal na pagkaka-upo sa eroplano)
  • Pag-inom ng mga tabletang pangontra sa pagbubuntis
  • Matinding operasyon na dahilan upang hindi makakilos nang maayos ang pasyente sa matagal na panahon

May dalawang kondisyon na pwedeng maging resulta dahil sa pamumuong dugo, ito ay ang deep vein thrombosis (DVT) at pulmonary embolism. Ang DVT ay ang pamumuo ng dugo sa mga malalalim na ugat sa katawan na karaniwang matatagpuan sa mga braso o sa binti. Ang mga sintomas nito ay:
  • Pamamaga sa parte ng katawan kung saan namumuo ang dugo.
  • Pamumula
  • Mainit kapag hinawakan
  • Pangangati
  • Pananakit ng parteng ito
  • Pamumulikat sa binti



Importanteng malaman agad ng mga doktor kung nasaan ang DVT dahil ito ay maaaring lumipat sa baga at ito na ay ang kondisyong tinatawag sa ingles na pulmonary embolism. Sa ganitong kalagayan, kinakailangang maisugod agad sa ospital ang taong nakakaranas nito dahil ito ay lubhang mapanganib at maaaring mauwi sa kamatayan. Narito ang mga sintomas nito:
  • Matinding pananakit ng dibdib
  • Paghihirap sa paghinga
  • Labis na pagpapawis
  • Pagkahilo
  • Mabilis na tibok ng puso
  • Biglaang pag-ubo na maaaring may kasamang dugo
Madalas man mangyari ito sa binti, braso at baga, hindi ibig sabihin ay liitado na ito sa mga parteng ito. Pwede rin itong mangyari sa puso kung saan makakaramdam ng matinding pananakit sa dibdib, hirap sa paghinga at pagpapawis. Pwede rin itong mangyari sa tiyan at malalaman ito kapag nakaranas ng matinding pananakit sa sikmura, pagtatae, pagsusuka at kapag may halong dugo ang duming inilabas. Kapag naman mayroong pananakit sa gilid ng tiyan, hita o sa binti, dugo sa ihi, lagnat, mataas na presyon ng dugo, hirap sa paghinga, matinding pamamaga ng binti, at pagsusuka, malamang na ito ay nangyari sa mga bato (kidneys). 

Sa pambihirang pagkakataon naman kapag nagkaroon ng pinsala sa ulo tulad ng pagkakapukpok nang malakas rito o pagkakasalpok sa matigas na bagay, maaaring magkaroon nang pamumuo ng dugo sa may utak na pwedeng mauwi sa stroke. Ang mga senyales nito ay ang biglang pangingisay ng katawan, problema sa paningin at labis na panghihina. Alin man sa mga ito ay dapat masuring maigi at maitakbo sa ospital bago ito mauwi sa malalang kondisyon.

Mga natural na paraan upang maiwasan ang pamumuo ng dugo
  • Luya. Mayroon itong salicylate, isang natural na kemikal na pangontra sa pamumuo ng dugo. Pwede itong ilaga at inumin bilang tsaa o kaya naman idagdag ito sa mga lutuin. Makakatulong rin itong pangontra sa stroke at iba pang s(a)kit sa puso.
  • Turmeric. Ito ay tinatawag na luyang dilaw sa wikang Filipino at karaniwang nagbibigay ng matingkad na kulay sa iba’t-ibang putahe. Nagtataglay ito ng curcumin na isang pangontra sa pamumuo ng dugo. Kilala na ang luyang dilaw sa medisina sa pagkakaroon ng magandang dulot sa katawan at ito ay mabibili bilang tableta, tsaa o pulbos na pwedeng ihalo sa mga inumin.
  • Bawang. Maliban pa sa nagbibigay ito ng lasa sa mga pagkain, ito rin ay kilalang may mga katangian na pangontra sa mga mikrobyo at bacteria. Gayunman, kailangan pa ng mas marami pang pag-aaral upang mapatunayan ang silbi nito sa pag-iwas sa pamumuo ng dugo, ngunit kadalasan ay ipinapayo ng mga doktor ang pag-iwas rito ng mga pasyente na sasailalim sa mga operasyon pagkalipas ng pito hanggang sampung araw dahil ang bawang ay may taglay na katangiang nakakapagpanipis ng dugo.
  • Cinnamon. Ito ay may coumarin na siya mismong ginagamit sa mga gamot para mapanipis ang dugo. Pampababa rin ito ng presyon sa dugo at nagbibigay ginhawa sa pamamaga ng kasu-kasuan dulot ng rayuma.
  • Sili. Tulad ng luya, mataas rin ito sa salicylate at tumutulong magpababa ng presyon ng dugo, nagpapaganda ng sirkulasyon ng dugo at nakakabawas nang pananakit ng katawan. Pwede itong idagdag sa mga pagkain ngunit sa mga taong hindi kaya ang mga maaanghang na pagkain, may mga nabibiling kapsula na maaaring inumin.

Ilan lamang ang mga ito sa mga paraan upang makaiwas sa pagkakaroon ng buo-buong dugo sa ating sistema. Mainam kung mapapanatiling malusog ang pangangatawan natin sa pamamagitan ng pagkain nang tama, pag-e-ehersisyo at pagtigil sa mga bisyo tulad ng pag-inom ng alak at paninigarilyo. Kung ikaw naman ay mayroon ng ganitong kondisyon, ang solusyon ay operasyon o gamot para maalis ang pamumuong ito ng dugo ngunit depende ito sa parte ng katawan na apektado. Magpasuri sa doktor upang makasiguro.

Comments

Popular posts from this blog

Dahilan Ng Pagkakaroon Ng Bukol Sa Likod Ng Tenga At Bakit Dapat Mo Itong Ikabahala!

Nakakapangamba ang tubuan ng bukol sa katawan lalo na't kung nadudulot ito ng pananakit dahil maaari itong maging maagang senyales ng c****r. Ngunit hindi naman lahat ng tumutubong bukol sa katawan ay c*****rous at ilan sa mga ito ay hindi naman nagdudulot ng seryosong komplikasyon. Ngunit ang pagkakaroon ng bukol sa likod ng iyong tenga ay dapat mong ikabahala at huwag pababayaan dahil napakarami palang pwedeng maging dahilan kung bakit ka mayroon nito. At ilan sa mga dahilan na ito ay mapanganib sa kalusugan. Narito at alamin ninyo! 1. Sebaceous cy sts Kung ang bukol sa likod ng iyong tenga ay hindi sumasakit, maaaring dahil ito sa pagkabara ng mga oil producing sweat glands. Ang mga ito ay non-c*****rous. 2. Lymphadenopathy Ito ay isang medical condition na kung saan ang mga lymph nodes mo ay nagkakaroon ng abnormal na paglaki at pagdami. Ang mga lymph nodes ay matatagpuan sa leeg, ulo, kili-kili, at singit. Kaya kung may virus o bacteria na

Narito Kung Paano Alisin ang Tinik sa Lalamunan

Ang mga Pilipino madalas kumain ng isda dahil marami tayong iba't ibang klaseng isda na nabibili sa palengke. Maraming klaseng isda ang maaari nating ihain sa mesa. At kahit anong luto pa iyan mapa prito, inihaw, steamed, sinigang, paksiw, etc. ay gaganahan ka talaga sa sarap. Kaya lang mayroong mga isda na maraming tinik kagaya na lang Bangus.  Sa mga taong madalas kumain ng isda, hindi natin maiiwasan na minsan tayo ay matinik. Kahit maliit lamang na tinik ang nasa ating lalamunan, hindi tayo mapakali sapagkat nagdudulot ito ng hindi komportableng pakiramdam at mayroong pananak!t sa bawat paglunok. Kaya naman narito ang mga makakatulong na paraan na maaari mong gawin kapag ikaw at natinik sa iyong lalamunan: 1. Kumain ng saging pero huwag ito nguyain. Kumain ng maliit na piraso lamang ng saging at saka ito lunukin agad para mapasama ang tinik na nakatusok sa lalamunan.  2. Kumuha ng malaking piraso ng tinapay at isawsaw ito sa

Tips Para Tanggalin Ang Pumasok Na Langgam/Insekto Sa Loob Ng Tenga

Naranasan niyo na bang mapasukan ng insekto o ng langgam sa tenga? Napakasakit talaga nito at hindi ka mapapakali. Bukod sa nakakarinig ka ng parang may naglalakad o pumuputok na tunog sa loob ng inyong tenga. Minsan ay maaari ka pang makagat sa loob o mawalan ng pandinig. Kaya narito ang mga tips kung paano tanggalin ang nakakairitang langgam o insekto na pumasok sa iyong tenga: 1. I-wiggle o galaw galawin ang tenga Subukang galaw-galawin o i-wiggle ang apektadong tenga. Sa paraang ito, maaaring mahulog ang insekto papalabas. 2. Patakan ng langis o baby oil Ang langis ay makakapagpigil sa paggalaw ng insekto o langgam papaloob sa tenga. 3. Patakan ng kaunting tubig Gamit ang dropper o bulb syringe, patakan ng kaunting tubig ang loob ng tenga upang malunod ang insekto. Galawin ang ulo at tenga para lumabas ang tubig. 4. Pahiran ng butil ng asukal ang labas ng tenga Ang matamis na amoy ng asukal ay pang-aakit sa langgam upang lumabas. 5. I-