Skip to main content

Pitong Dahilan Kung Bakit Masama ang Paggamit ng Cellphone sa Loob ng Banyo




Sa modernong panahon ngayon ay kabi-kabila ang paglabas ng mga makabagong telepono mula sa iba’t-ibang kompanya. Madalang na ang taong walang cellphone sa kasalukuyan dahil ito ay hindi na lamang nagagamit sa pakikipag-usap sa mga taong kakilala natin kundi nagagamit na rin ito sa trabaho, pang-aliw at pampalipas-oras, kaya naman kahit mga bata ay ginagawa na itong laruan. 

Sa sobrang adiksyon natin rito, hindi na nga ito halos mahiwalay sa ating mga katawan at maraming iba diyan na nasanay nang dinadala pa ito kahit sa pagbabanyo. Sa unang tingin, mukhang wala namang masama sa nakaugaliang ito, ngunit tayo ay nagkakamali. May mga pag-aaral na naisagawa na nagpapatunay na ito ay hindi mabuti para sa ating kalusugan. Ilan lamang sa mga ito ay ang mga sumusunod.

Pinamumugaran ito ng iba’t-ibang bacteria




Dahil ang mga telepono ngayon ay madalas nakasilid sa iba’t-ibang lalagyan upang maprotektahan ito mula sa pagkakabagsak o sadyang palamuti lamang, nagiging perpektong lugar ito upang magparami ang mga bacteriang maaaring magdala ng s(a)kit tulad ng E. coli, Salmonella at Shigella. Nangyayari ito dahil kung saan-saan natin ihinahawak ang ating mga kamay sabay bitbit sa telepono at dahil nga sa mga lalagyan nito na kadalasan ay gawa sa goma, madaling nakakakapit ang mga mikrobiyo at dumi rito.


  1. Maaaring maka-apekto sa utak. Ang matagal na pagyuko sa ating telepono habang nakaupo sa kubeta ay dahilan upang hindi maging sapat ang pagdaloy ng dugo sa ulo kaya mapapansing nakakahilo ang matagalang pagbabanyo.
  2. Nakakasira ng mga mata. Hindi na lingid sa kaalaman natin na ang matagal na pagtitig sa cellphone o sa kahit anong gadget ay nakakatuyo ng mga mata. Karaniwan ring mas madilim sa banyo kumpara sa ibang parte ng bahay kaya ito ay nakakadagdag rin ng stress sa ating mga mata dahil doble ang sikap ng mga ito upang makakita nang maayos.


  3. Pananakit ng leeg at likod. Ang posisyon natin sa banyo na kalimitan ay nakayuko lalo na kapag tangan ang telepono, ang siyang dahilan nang pananakit ng leeg at itaas na parte ng ating likod. Maaari tayong magkaproblema sa gulugod sa kalaunan kapag hindi ito naitama.
  4. Altapresyon at atake sa puso. Kakaiba mang pakinggan ngunit ang mga kaso ng atake sa puso at altapresyon sa banyo ay mas karaniwan kaysa sa ating inaakala. Muli, ang matagal na pagyuko natin ay malaking dahilan upang magkaproblema tayo sa ating katawan lalo na kung ito ay pumipigil sa maayos na pagdaloy ng dugo sa iba’t-ibang parte ng ating katawan.
  5. Almuranas. Kapag tayo ay masyadong naging abala sa ating mga telepono habang matagal na nakaupo sa inidoro, mas mataas ang tyansang magkaroon tayo ng almuranas.
  6. Osteoarthirits. Ang maling posisyon sa katagalan ay magdadagdag ng stress sa ating mga kasu-kasuan at litid na maaaring magsanhi nang pamamaga ng mga ito.
  7. Deep vein thrombosis. Ito ay isang kondisyon kung saan namumuo ang dugo sa ugat doon sa kaloob-looban ng ating katawan. Karaniwan itong nasa may bandang hita at binti ngunit maaaring mangyari rin sa ano mang parte ng katawan. Kalimitan itong makuha ng mga taong sumakay ng eroplano nang mahabang oras, ngunit ayon sa pag-aaral, pwede rin itong maganap sa banyo dahil sa matagal na pagkaka-upo sa inidoro. 

Comments

Popular posts from this blog

Dahilan Ng Pagkakaroon Ng Bukol Sa Likod Ng Tenga At Bakit Dapat Mo Itong Ikabahala!

Nakakapangamba ang tubuan ng bukol sa katawan lalo na't kung nadudulot ito ng pananakit dahil maaari itong maging maagang senyales ng c****r. Ngunit hindi naman lahat ng tumutubong bukol sa katawan ay c*****rous at ilan sa mga ito ay hindi naman nagdudulot ng seryosong komplikasyon. Ngunit ang pagkakaroon ng bukol sa likod ng iyong tenga ay dapat mong ikabahala at huwag pababayaan dahil napakarami palang pwedeng maging dahilan kung bakit ka mayroon nito. At ilan sa mga dahilan na ito ay mapanganib sa kalusugan. Narito at alamin ninyo! 1. Sebaceous cy sts Kung ang bukol sa likod ng iyong tenga ay hindi sumasakit, maaaring dahil ito sa pagkabara ng mga oil producing sweat glands. Ang mga ito ay non-c*****rous. 2. Lymphadenopathy Ito ay isang medical condition na kung saan ang mga lymph nodes mo ay nagkakaroon ng abnormal na paglaki at pagdami. Ang mga lymph nodes ay matatagpuan sa leeg, ulo, kili-kili, at singit. Kaya kung may virus o bacteria na

Narito Kung Paano Alisin ang Tinik sa Lalamunan

Ang mga Pilipino madalas kumain ng isda dahil marami tayong iba't ibang klaseng isda na nabibili sa palengke. Maraming klaseng isda ang maaari nating ihain sa mesa. At kahit anong luto pa iyan mapa prito, inihaw, steamed, sinigang, paksiw, etc. ay gaganahan ka talaga sa sarap. Kaya lang mayroong mga isda na maraming tinik kagaya na lang Bangus.  Sa mga taong madalas kumain ng isda, hindi natin maiiwasan na minsan tayo ay matinik. Kahit maliit lamang na tinik ang nasa ating lalamunan, hindi tayo mapakali sapagkat nagdudulot ito ng hindi komportableng pakiramdam at mayroong pananak!t sa bawat paglunok. Kaya naman narito ang mga makakatulong na paraan na maaari mong gawin kapag ikaw at natinik sa iyong lalamunan: 1. Kumain ng saging pero huwag ito nguyain. Kumain ng maliit na piraso lamang ng saging at saka ito lunukin agad para mapasama ang tinik na nakatusok sa lalamunan.  2. Kumuha ng malaking piraso ng tinapay at isawsaw ito sa

Tips Para Tanggalin Ang Pumasok Na Langgam/Insekto Sa Loob Ng Tenga

Naranasan niyo na bang mapasukan ng insekto o ng langgam sa tenga? Napakasakit talaga nito at hindi ka mapapakali. Bukod sa nakakarinig ka ng parang may naglalakad o pumuputok na tunog sa loob ng inyong tenga. Minsan ay maaari ka pang makagat sa loob o mawalan ng pandinig. Kaya narito ang mga tips kung paano tanggalin ang nakakairitang langgam o insekto na pumasok sa iyong tenga: 1. I-wiggle o galaw galawin ang tenga Subukang galaw-galawin o i-wiggle ang apektadong tenga. Sa paraang ito, maaaring mahulog ang insekto papalabas. 2. Patakan ng langis o baby oil Ang langis ay makakapagpigil sa paggalaw ng insekto o langgam papaloob sa tenga. 3. Patakan ng kaunting tubig Gamit ang dropper o bulb syringe, patakan ng kaunting tubig ang loob ng tenga upang malunod ang insekto. Galawin ang ulo at tenga para lumabas ang tubig. 4. Pahiran ng butil ng asukal ang labas ng tenga Ang matamis na amoy ng asukal ay pang-aakit sa langgam upang lumabas. 5. I-